Uniun

Sur da nus

L'UCP ha per intent la tgira e la promoziun dils interess commercials e professiunals da ses commembers sco era dalla communitad.

En special ha l'UCP ils suandonts pensums:

  • unir tuts representants da commerci e professiun da Mustér;
  • susteniment da tuttas stentas, las qualas surveschan ad in sanadeivel svilup economic dalla vischnaunca e dalla regiun;
  • tgira dils interess da professiun indigena viers las autoritads e la publicitad;
  • prender posiziun tier damondas economicas, politicas ed autras, las qualas tangheschan la vischnaunca e la regiun ni ils interess communabels dils commembers dall'UCP;
  • cumbatter la concurrenza illoiala da scadin'uisa;
  • informar ils commembers sur d'impurtontas damondas economicas e politicas;
  • tgira e promoziun d'interess professiunals dallas clamadas ch'appartegnan all'UCP;
  • promoziun digl agid professiunal propri;
  • promoziun dalla scolaziun professiunala;
  • promoziun dalla collaboraziun cun las autras uniuns da commerci sin plaun regiunal e surregiunal;
  • organisaziun dall'EX mintga 4 onns.

Commembers dall'uniun san esser:

persunas naturalas e giuridicas ord commerci, industria e menaschis da prestaziun da survetsch cun domicil ni sedia da fatschenta ella vischnaunca da Mustér ni el direct contuorn;

persunas, firmas ed organisaziuns che stattan datier dil commerci e hanletg.

Fatschentas vegnan per regla representadas entras il meinafatschenta.

L'UCP ei ina secziun dall'uniun grischuna d'artisanadi e mastregn. www.kgv-gr.ch

Actualmein ein 110 fatschentas ni persunas commember dall'UCP.